تنبؤات الابراج 2012

ميزات الشب السوري

ولا تااااااخذونا

1- بيحب يلبس نظارة شمسية سوداء حصراً ويفضل من النوع العاكس منشان يعمل روزة ويطلع على الناس بدون ما يشوفوا لوين عميطلع

2-بيحب يطلع قدام الشوفير( جنبه) بالسرفيس و يحجز مقعدين ويرجع إيدو لورا والإيد التانية برا الشباك

3- دائما بيحكي باسم معلمو وبشوف حالو حتى لوكان بواب أو شوفير طرطورة

4- بيحقد على مهند بمسلسل نور وعلى يحيى بسنوات الضياع

5-بيفكر بالطلعة برات البلد منذ نعومة أظفاره حسب الترتيب التنازلي التالي: أمريكا- أوروبا – الخليج – لبنان سابقا. وإذا فشل مع تقدم الزمن بيقرر ينتقل للشام العاصمة أحسن من بلا.

6- بيحب يكتب ذكريات على الحيطان و مقاعد السرافيس مع رسمة القلب والسهم دليل الحب

7 -فيك تسألو أي سؤال شخصي بس إياك تسألو عن اسم أمه

( ياغيرة الدين)

8-إذا مزاجو معكر ومو جاي عبالو يعيد بالعيد بيتذكر أنو ستو لصهر ابن خالة مرتو توفيت من 9 أشهر وبخبر الناس أنو حزنان هالعيد

9-سبحان الله فهمان بكل شي بالفطرة اذا بتسألو باي شي بيفهم

وبس يستلم منصب بذل العالم حتى لو شوفير بذل الركاب

10-سيارتهم المفضلة مرسيدس حتى لو كان موديلها 1800

11-كلهم ابو شهاب ورجال لكن بالحكي وقت الجد ما بتلاقي حدا

12-وبس بكون ماشي مع وحدة حلوة ماعاد يشوف حدا قدامو حتى لو ابوه عم ينقتل قدامو

13-بيخلق وبيحب يكون دكتور سبحان الله هيك لحالو ما حدا بيوجهو لا أهلو ولا المجتمع بالفطرة يعني

14-بنظر أهلو كان الأول على صفو دائماً وكل مذاكراتو عشرات بس بتتفاجئ أنو تارك المدرسة بدون ما ياخد كفاءة

15-إذا وصل للبكالوريا بيقرر أنو بدو يعيدها من بداية العام الدراسي وبيتأكد هالقرار ليلة فحص أول مادة

16- بيقتل حالو حتى يطلعلو طب بعد البكالوريا ولما يصير بالكلية وبيشوف الطريق طويل بيلعن أبو الساعة اللي انقبل فيها أما إذا ما انقبل طب بيضل طول عمرو يشكي ويبكي ويندب حظو وبيعتقد أنو سوريا خسرت طبيب فذ بعدم قبوله

17- بشكل فطري ومن السنة الأولى بيرغب بإختصاص الجراحة العصبية ليش ما حدا بيعرف؟

18- إذا سألتو زميلتو بالكلية سؤال عن شي مادة بيفكر دغري أنها بتحبو وماشافت حدا غيرو بهي الدنيا واجت لعندو تسألو مشان صفاتو التعبوية

19- بيحاول أول العام الدراسي يطبق بنات السنة الأولى عأساس هو الخبير بكواليس الكلية وأمور الدراسة والمواد مع أنو بكون مترفع شحط ومعو أربع مواد على الأقل

20-بكلية الطب بيقضيها سري مري بين الصيدلة والآداب وشرطكن بيضل حامل المريول الأصفر اللي كان لونو أبيض بإيدو رغم أنو ما عندو عملي( دكتور يا بعدي)

21-بيفكر حالو وقت يلبس بدلة التدريب الجامعي أنو إذا حدا شافو ما بيعرفو لذلك بتظهر شخصيتو الحقيقية

ومن المميزات كمان انو هو هلأ عم يقرا ويضحك وكإنو مو هو المعني بالرسالة

يسلموا قمر سوريا وسوف يطاردونك

اقتباس :: 11-كلهم ابو شهاب ورجال لكن بالحكي وقت
الجد ما بتلاقي حدا

هاد الي طلع معك ؟؟؟

اتعرفو على الشب السوري Icon_pale

رشيد العجرمى كتب:: يسلموا قمر سوريا وسوف يطاردونك

اي والله بعرف ..

الموضوع هو للمزح نورت رشيد

شعاع كتب:

اقتباس :: 11-كلهم ابو شهاب ورجال لكن بالحكي وقت
الجد ما بتلاقي حدا

هاد الي طلع معك ؟؟؟

اتعرفو على الشب السوري Icon_pale

شعاع ما تقلي لاء وخاصة شباب اللادقية

نوووووووورت

يسلموووووو قمر سوريا

بس اكيد مو كلهم هيك

انا اهم شي عندي ما يزعلوا شباب المنتدى السوريين
بس واللهي نهفه
شكرا لكي قمر سوريا

هههههه لا مابيزعلو ما انا سوووووورية كمان ...

هو الموضوع للضحك مو اكتر بس يعني موجودين وبكثرة مو افترااا

نورتو يا احلى اعضاء

ياهلا بشباب وصبايا سوريا كلهم منورين وكيف ماكا نو بس ما يكونوا اشخا ص سوء وطبعا بالقليل انا نشوف اصدقاء السوء وانا متاكده انه مافي هالنوع بالمنتدى

طب والله شو مالهم؟
حلوين كتيير

قمر سورية يسلمو يديكي اتعرفو على الشب السوري Icon_smile

يسلمو قمر بس شعاع شكله زعلان

لا ليش يزعل كل بلد فيها المنيح وفيها السيئ بعدين هو الموضوع للضحك مو اكتر

متل موضوع مزايا بنات الاردن طيب بنات الاردن الي موجودين زعلو ؟؟

نووووورتوني